Paglisan - Isang Maikling Tula

Parang sinilaban ang puso ko
nang malaman ko na iiwan mo na ako.
Mula sa iyong mga labi namutawi
ang mga salitang pinilit kong tanggalin sa aking pagiisip.

Ngunit kahit anong gawin kong pilit,
hindi ko maintindihan kung bakit.
Bakit sa dinami - dami ng mga taong kailangang lumisan,
ikaw pa.

Kaya eto ako, nagdarasal na sana
- sana lang - hindi maisakatuparan ang iyong paglisan.
Dahil alam ko, dito sa kaibuturan ng aking puso,
hindi ko kakayaning wala ka.